Ховд аймагт сүүлийн 2 жил дараалан хорвоод ховор тохиох ихэр ботго мэндэлж  байна. Энэ хавар Ховд аймгийн Манхан сумын Улаанхүрээ багийн малчин Хөөдөөгийн Нямсүрэнгийн  3 настай Хүрэн ингэ ихэрлэлээ.  Монголчууд бид эртнээс нааш Ингэ ихэрлэхийг сайн цагийн эхлэл, нутаг хошуу, хүн зон амар амгалан байж, мал сүрэг өсөн үржихийн  билэгдэл хэмээн дээдэлж ирсэн. Тийм ч учраас өдрийн сайн өдөр ханш нээж ичигсэд ичээнээсээ гарч, амьд байгалийн аливаа амьдрал сэргэдэг учиртай шинийн 8-ны өдөр аймгийн ИТХ-ын дарга Г.Пүрэвганди малчин Х.Нямсүрэнгийнд зочилж, ингэн тэмээ, ихэр ботгонд хүндэтгэл үзүүлэн Мөнгөн буйл, талархал хадгалуулав.

Мөн ХХААГ-ын Мал аж ахуйн албаны дарга Г.Бат-Өлзий анхны төллөлтөөр 2 ихэр ботго гаргасан “Хүрэн зүсмийн ингэ”-ийг аймгийн гойд ашиг шимт малын санд бүртгэж диплом, мөнгөн медаль гардуулсан юм.

Түмэн үед буянаа хайрласан таван хошуу мал сүрэг минь бум бумаараа өсөх болтугай.