Шинэ эриний цахим мэдээллийн технологийн энэ үетэй хөл нийлүүлэн алхаж байгаа эрхэм тантай Олон угсаатны өлгий Ховд нутгийнхаа хөдөлмөрч зон олны нэрийн өмнөөс эрүүл энх, аз жаргал, сайн сайхан бүхнийг хүсэн ерөөж мэндчилж байна. Та бүхэнтэйгээ Ховд аймгийн Иргэдийн Төлөөлөгчдийн хурлын албан ёсны вэб сайтаараа дамжуулан уулзаж байгаадаа баяртай байна. Баруун бүсийн тулгуур төв болсон Ховд нутгийн минь үзэсгэлэнт сайхан байгаль, хөдөлмөрч бүтээлч олон ястан зон олны минь ажил амьдралын арвин баялаг түүх соёл, төр захиргааны байгууллагын үйл ажиллагаа, бодлого шийдвэр зэрэг Ховд нутагтай холбоотой мэдээ, мэдээллийг энэхүү цахим хуудаснаас олж авна гэдэгт итгэлтэй байна. 

Үхрийн бөөр шиг алаг хэрнээ

Ихрийн сэтгэлтэй, Олон ястан

Уулс, туульсын өлгий Хосгүй сайхан Ховд нутгаар минь айлчлан, зочлоорой.

Таныг хүндэтгэсэн: 

Ховд аймгийн Иргэдийн Төлөөлөгчдийн хурлын дарга Гомбоогийн ПҮРЭВГАНДИ