Ардчилсан шинэ Үндсэн хууль батлагдсаны 25 жилийн ойд зориулсан Үндэсний бөхийн барилдаан 2017 оны 1 дүгээр сарын 12-нд аймгийн БТСГ-ын спорт цогцолборт боллоо.
Энэхүү барилдаанд Дуут сумын харъяат, аймгийн арслан Содмоогийн Ганхуяг, Мянгад сумын харъяат, ЗХ-ний 123 дугаар ангийн бөх, аймгийн заан Дэрмээгийн Уламбаяр, Чандмань сумын харъяат, ЕБ-ийн 6 дугаар сургуулийн бөх, аймгийн харцага Энхболдын Эрдэнэбаяр, Дөргөн сумын харъяат, аймгийн начин Ганболдын Ариунболд нараар манлайлуулсан хүчит 64 бөх бяр хүч, авхаалж самбаагаа сорин барилдсанаас Чандмань сумын харъяат, ЕБ-ийн 6 дугаар сургуулийн бөх, аймгийн харцага Э.Эрдэнэбаяр түрүүлж, Зэрэг сумын харъяат, аймгийн начин Ш.Баяржаргал үзүүрлэлээ. Их шөвөгт Мянгад сумын харъяат, ЗХ-ний 123 дугаар ангийн бөх, аймгийн заан Д.Уламбаяр, Ховд сумын харъяат, сумын заан н.Мухтар нар шалгаран үлдлээ.
