Тэртээ 1992 оны 01 сарын 13-нд Шинэ Үндсэн хуулиа батлаж байсан түүхэн өдрийг Монголчууд бид мартах учиргүй билээ. Монгол улсын шинэ Үндсэн хууль батлагдсаны түүхт 25 жилийн ой 2017.01.13-ны өдөр тохионо. Энэ түүхт өдрийг тохиолдуулан жил бүр Ховд аймгийн удирдлагууд Ойрадын их хаан Галданбошигт, эрх чөлөөний төлөө цогтой тэмцэгч Ард Аюушийн хөшөөнд цэцэг өргөж, хүндэтгэл үзүүлдэг уламжлалтай. Монгол улсын шинэ Үндсэн хууль батлагдсаны 25 жилийн ойн "Цэцэг өргөх ёслолын үйл ажиллагаа”-нд аймгийн ИТХ-ын дарга Г.Пүрэвганди, ИТХ-ын нарийн бичгийн дарга Б.Сандагсүрэн, Засаг даргын орлогч Ш.Батсүх, Засаг даргын орлогч Ч.Уранчимэг, ЗДТГ-ын дарга Б.Ганболд, Жаргалант сумын ИТХ-ын дарга Д.Бумцэнд, Жаргалант сумын Засаг дарга Ц.Ганданповрон нарын аймаг орон нутгийн удирдлагууд, АИХ-ын депутат Ц.Баттулга, алдартан гавьяатнууд, ард иргэдийн төлөөлөл болон 150 гаруй хүн оролцлоо.