Аймгийн ИТХ-ын ИТХ-ын Хоёрдугаар хуралдаан энэ сарын 02-03-ны өдрүүдэд хуралдлаа. Хуралдаанд аймгийн ИТХ-ын 39 Төлөөлөгч хүрэлцэн ирж 95,1 хувийн ирцтэй хуралдаж 6 асуудлыг хэлэлцэн шийдвэрлэлээ. 

“Аймгийн ИТХ-ын II хуралдаан”-аар хэлэлцэх эхний асуудал болох “Аймгийн ИТХ-ын 2016 оны үйл ажиллагааны тайлан, цаашдын зорилтын тухай илтгэл”-ийг аймгийн ИТХ-ын дарга Г.Пүрэвганди танилцуулж Төлөөлөгчид асуулт асууж, санал солилцон илтгэлд тусгагдсан ажлын үр дүн, түүнд хийсэн дүгнэлт, дэвшүүлсэн зорилтыг сайшааж, үйл ажиллагааг нь “Хангалттай” хэрэгжиж байна хэмээн дүгнэсэн бол аймгийн Засаг даргын 2016 онд хийж хэрэгжүүлсэн ажлын тайлан, эдийн засаг, нийгмийн хөгжлийн 2016 оны үндсэн чиглэлийн биелэлтийг хэлэлцэж, Засаг даргын 2016-2020 оны үйл ажиллагааны хөтөлбөр, аймгийн эдийн засаг, нийгмийн хөгжлийн 2017 оны үндсэн чиглэлийг батлан, хөтөлбөрийг хэрэгжүүлэгчдэд ажлын амжилт хүслээ.