Аймаг, Нийслэлийн Засаг дарга ирэх оныхоо төсвийн төслийг Төсвийн тухай хуулийн 8 дугаар зүйлийн 8.5.1-д заасны дагуу 11 дүгээр сарын 25-ны дотор аймгийн иргэдийн Төлөөлөгчдийн Хуралд өргөн барих ёстой байдаг.

Энэ дагуу өнөөдөр аймгийн Засаг даргын орлогч Х.Батболд, аймгийн СТСХ, ХБТХ-ийн дарга, мэргэжилтнүүд холбогдох албаны хүмүүсийн хамт аймгийн 2017 оны төсвийн төслийг, эдийн засаг, нийгмийг хөгжүүлэх 2017 оны үндсэн чиглэлийн төслийн хамт аймгийн /иргэдийн Төлөөлөгчдийн Хурал/-ын Тэргүүлэгчдийн нарийн бичгийн дарга Б.Галхүүд хуулийн хугацаанд өргөн барилаа.