Бүгд найрамдахчуудын Олон улсын хүрээлэнгээс санаачлан “Засаглалын манлайлал” цуврал сургалтуудыг зохион байгуулж байгаа билээ. Уг үйл ажиллагааны хүрээнд “Нэр дэвшигчээс сонгуульт үүрэг гүйцэтгэх нь” сэдэвт сургалтыг Баруун бүсийн аймгуудын ИТХ-ын эмэгтэй Төлөөлөгчдийн дунд зохион байгуулж байна.

Тус сургалтанд БНОУХ-ийн Улс төрийн хөгжлийн хөтөлбөр хариуцсан захирал Жессика Кийган, АНУ-ын Конгрессийн гишүүн асан, Annenberg-Dreier комиссийн захирал Брэд Смит нар хүрэлцэн ирж, ИТХ-д сонгогдсон Төлөөлөгчийн үндсэн үүрэг, хариуцлага, Иргэдийн оролцоо – ИТХ-ын хуралдааныг зохион байгуулах төрөл, хэлбэрүүд, иргэдийн хүлээлт, санал хүсэлтийг шийдвэрлэх зэрэг сэдвээр хичээлүүдийг зааж байна.

Уг сургалтын үйл ажиллагаа өнөөдөр Ховд зочид буудлын хурлын танхимд эхэлсэн бөгөөд аймгийн ИТХ-ын дарга Г.Пүрэвганди оролцож, сургалтанд оролцогчдод баяр хүргэж, амжилт хүслээ.

Нэр дэвшигчээс сонгуульт үүрэг гүйцэтгэх нь сургалтанд Ховд, Говь-Алтай, Завхан аймгийн ИТХ-ын 20 гаруй Төлөөлөгчид оролцож байна.