“Нутгийн өөрөө удирдах байгууллагын чадавхийг бэхжүүлэх нь” төслийн хүрээнд УИХ-ын Тамгын газар, Швейцарийн хөгжлийн агентлаг, Нэгдсэн үндэстний байгууллагын Хөгжлийн хөтөлбөр, Өмнөговь аймгийн иргэдийн Төлөөлөгчдийн Хурал хамтран зохион байгуулах аймаг, сумын иргэдийн Төлөөлөгчдийн Хурлын Төлөөлөгчдийн суурь сургалт өнөөдөр Даланзадгад суманд эхэлж байна.

Эхний ээлжийн сургалт 2016.11.21-22 өдрүүдэд үргэлжлэх ба Гурвантэс, Ноён, Сэврэй, Баяндалай, Цогтцэций сумдын иргэдийн Төлөөлөгчдийн Хурлын Төлөөлөгчид хамрагдаж байна.

Орон нутгийн ээлжит сонгуулийн бүрэн эрхийн хугацаа эхэлж байгаа энэ үед НӨУБ-ын эрх зүйн үндэс, Иргэдийн оролцоо, НӨУБ-ын зохион байгуулалт, Байгаль орчин, Төсөв санхүүгийн чиглэлээр аймаг, сумын Төлөөлөгчдөд сургалт зохион байгуулж байгаа нь Төлөөлөгчид орон нутагтаа Нутгийн Өөрөө Удирдах ёсыг жинхэнэ утгаар нь хөгжүүлэх, өмч, эдийн засаг, санхүү, байгаль орчин, хүний нөөцийн асуудлаа өөрсдөө мэддэг, асуудлыг өөрсдөө бие даан шийдвэрлэдэг, гаргасан шийдвэр нь иргэдийн бодит амьдралд нөлөөлж чадахуйц чухал үр дүнтэй юм.