УИХ-ын Тамгын газар, Швейцарийн
хөгжлийн агентлаг, НҮБ-ын Хөгжлийн хөтөлбөрөөс хэрэгжүүлж буй “Нутгийн өөрөө
удирдах байгууллагын чадавхыг бэхжүүлэх нь” төслийн аймаг, сумын ИТХ-ын
Төлөөлөгчдийн үндэсний суурь сургалт 18-23-ны өдрүүдэд зохион
байгуулагдаж байна.
Уг сургалтын I ээлжийн сургалт энэ сарын
18-19-ний өдрүүдэд зохион байгуулагдаж өнөөдөр өндөрлөн, оролцогчид
сертификатаа гардан авлаа. Тус ээлжийн сургалтанд аймгийн ИТХ-ын болон Жаргалант,
Буянт, Мянгад, Эрдэнэбүрэн, Ховд сумын нийт 112
Төлөөлөгч хүрэлцэн ирж оролцсон байна.
Тус сургалтын хичээлүүдийг аймгийн ИТХ-ын Нарийн бичгийн
дарга Б.Сандагсүрэн, аймгийн ИТХ-ын Төлөөлөгч Т.Дэлгэрсайхан, Баян-Өлгийн
аймгийн ИТХ-ын Нарийн бичгийн дарга А.Серикболат, Үндэсний сургагч багш Ө.Цогбадрах нар
заан чиглүүлж, багаар ажиллах, хэлэлцүүлэг хэлбэрээр
зохион явуулсан бөгөөд оролцогчдын ирц 81,1 хувьтай байлаа.
Сургалтын дараагийн ээлжийн сургалт энэ сарын 20-21-ний
өдрүүдэд явагдаж Манхан, Дуут, Мөнххайрхан, Алтай, Үенч сумдын ИТХ-ын
Төлөөлөгчид оролцох юм.
