УИХ-ын Тамгын газар, Швейцарийн хөгжлийн агентлаг, НҮБ-ын Хөгжлийн хөтөлбөрөөс хэрэгжүүлж буй “Нутгийн өөрөө удирдах байгууллагын чадавхыг бэхжүүлэх нь” төслийн аймаг, сумын ИТХ-ын Төлөөлөгчдийн суурь сургалт манай аймагт 2016 оны 11 дүгээр сарын 18-23-ны өдрүүдэд зохион байгуулагдана.

Сургалт 3 ээлжээр явагдах бөгөөд 1 дүгээр ээлж 2016 оны 11 дүгээр сарын 18-19-ний өдрүүдэд явагдаж аймгийн төвөөс сонгогдсон аймгийн ИТХ-ын 17 Төлөөлөгчид болон Жаргалант, Ховд, Эрдэнэбүрэн, Буянт, Мянгад сумын ИТХ-ын Төлөөлөгчид оролцох бол 2-р ээлж 11 дүгээр сарын 20-21-ний өдрүүдэд үргэлжилж Булган, Дуут, Алтай, Үенч, Манхан, Мөнххайрхан сумдын ИТХ-ын Төлөөлөгчид хамрагдана.

Сургалтын 3-р ээлж 11 дүгээр сарын 22-23-ны өдрүүдэд явагдаж Мөст, Цэцэг, Чандмань, Дөргөн, Зэрэг, Дарви сумын ИТХ-ын Төлөөлөгчид хамрагдсанаар тус сургалт өндөрлөх юм.