Аймгийн Мэргэжлийн хяналтын газраас “Эрүүл хүүхэд- аюулгүй хүнс” сарын аяны хүрээнд зохион байгуулах “тулгамдсан асуудал-шийдэл” хэлэлцүүлгийг Хэрэглэгчийн эрх ашгийг хамгаалах нийгэмлэгийн салбар зөвлөлтэй хамтран зохион байгуулж байна. Хэлэлцүүлгийн зорилго хүүхдийн хүнсний хэрэгцээг чанартай, шим тэжээллэг, аюулгүй хүнсээр тогтвортой, хүртээмжтэй хангах зорилтын хүрээнд хүүхдийн эрх хамгаалал, хүнсний аюулгүй байдлыг хамгаалах мэдлэгийг бататгах, хүнсний аюулгүй байдалд тавих хяналтыг сайжруулах, хүнсний чиглэлийн үйл ажиллагаа эрхлэхтэй холбогдсон харилцаанд үүсэж буй хүндрэл бэрхшээлийг шийдвэрлэх оршиж буй юм. Хэлэлцүүлэгт Аймгийн Засаг даргын Тамгын газрын Хөрөнгө оруулалт, хөгжлийн бодлогын хэлтэс, Гаалийн газар, Авто тээврийн газар, Хүнсний бүтээгдэхүүн импортлогч аж ахуйн нэгж, иргэд оролцож байна.