Жаргалант сумын ИТХ-ын анхдугаар хуралдаан 11 дүгээр сарын 02-ны өдөр Жаргалант сумын ЗДТГ-ын иргэний танхимд хуралдлаа. Уг хуралдаанд сумын ИТХ-ын 31 төлөөлөгч болон урилгаар сумын ЗДТГ-ын албан хаагчид оролцсон бөгөөд тус хуралдаанаар:
1. Сумын ИТХ-ын сонгуулийн дүн, сумын ИТХ-ын төлөөлөгчдийн бүрэн эрхийн тухай
2. Хурлын зохион байгуулалтын асуудал:
А. Сумын ИТХ-ын Анхдугаар хуралдааны дэг батлах тухай
Б. Намын бүлэг байгуулах тухай
В. Сумын ИТХ-ын даргыг сонгох тухай
Г. Сумын ИТХ-ын Тэргүүлэгчдийг сонгох тухай
Д. Сумын ИТХ-ын хороо байгуулах тухай
Е. Сумын Засаг даргад нэр дэвшүүлэх тухай асуудлуудыг хэлэлцэн шийдвэрлэсэн байна.
Уг хуралдаанаар Жаргалант сумын ИТХ-ын сонгуульд олонхийн санал авч сонгогдсон 31 төлөөлөгчийн бүрэн эрхийг баталгаажуулан, 2016-2020 онд баримтлан ажиллах ИТХ-ын Хуралдааны байнгын дэгээ баталлаа. Засаг даргаар Жаргалант сумын МАН-ын хорооны дарга Ц.Ганданповрон, ИТХ-ын даргаар Д.Бумцэнд, сумын ИТХ дахь МАН-ын бүлгийн даргаар Л.Отгонцагаан, дэд даргаар н.Мягмардорж, АН-ын бүлгийн даргаар Б.Шинэзориг, дэд даргаар К.Сапаргүль нар томилогдон ажиллахаар боллоо.
Жаргалант сумын ИТХ-ын тэргүүлэгчдээр МАН-аас Д.Бумцэнд, Ц.Лувсанлхамо, М.Баасанжав, М. Оюунчимэг, Д. Игилик нар, АН-аас Б.Шинэзориг, П. Батбаяр нарын 7 хүн сонгогдсон байна.
