Өчигдөр буюу 2016 оны 9 дүгээр сарын 28-ний өдөр Нутгийн удирдлагын ордны Ёслол хүндэтгэлийн өргөөнд "Ахмадаа ачлая" ТВ ярилцлага, хэлэлцүүлэг явагдлаа. Тус хэлэлцүүлэг, ярилцлагыг аймгийн ИТХ, ЗДТГ-аас аймгийн Ахмадын хороо, орон нутгийн Ховд, Жаргалант телевизүүдтэй хамтран зохион байгуулсан бөгөөд аймгийн удирдлагууд, аймгийн ИТХ-ын Төлөөлөгчид, олон ястны өлгий Ховд нутгаас төрөн гарсан алдартан, гавъяатууд болон ахмадын төлөөллүүд оролцов.

-Ховд аймгийн ирэх 4 жилийн хөгжлийн бодлогын талаар, хэрэгжүүлэх нь зүйтэй санал санаачлагууд,

-Ахмад настнуудын эрүүл мэнд, халамж үйлчилгээ, орон сууцны талаар

-Алдар цол, гавъяа шагналын тухай зэрэг сэдвүүдээр Ахмадуудын дунд 3 цагийн турш ярилцлага өрнүүллээ.

Тус ярилцлага нь Монголын “Ахмадын өдөр”-ийг угтан зохион байгуулагдсан бөгөөд залуу үеийнхэнд үлгэр жишээ болохуйц хөдөлмөрч, бүтээлч ахмадуудаас гарсан санал санаачлага, зөвлөмжийг холбогдох газар нь уламжлан, ажил хэрэг болгоход гол зорилго нь оршиж байна.