Аймгийн ИТХ-ын Нарийн бичгийн дарга Б.Сандагсүрэнгээр ахлуулсан Төлөөлөгчид, хурлын ажлын албаны хэлтсийн дарга нарын бүрэлдэхүүнтэй баг Дулааны "Бадамлах дөл" ХХК-ийн үйл ажиллагаатай танилцаж, өвөлжилтийн бэлтгэлийг хэрхэн хангаж буй талаар мэдээлэл өглөө.
Дулааны "Бадамлах дөл" ХХК-ийн гүйцэтгэх захирал н.Анхбаатар: "Манай компани нь 2005 онд байгуулагдсан цагаасаа хойш Ховдчууддаа дулаан нийлүүлэн ажиллаж байна. Энэ зун шугам сүлжээний шинэчлэлийн ажилд анхаарал хандуулан ажиллаж 400 гаруй метр шугамын засвар шинэчлэлийн ажлыг хийлээ. 10 сарын 1-ээс дулаан өгөх шат дараалсан туршилтуудаа хийн бэлтгэл ажлаа ханган ажиллаж байна" гэлээ.