Ховд аймгийн Прокурорын газраас санаачлан Шүүхийн шийдвэр гүйцэтгэх Ерөнхий газрын харъяа Хорих 457 дугаар ангид хорих, баривчлах ял эдэлж буй ялтнуудад гэмт хэргээс урьдчилан сэргийлэх яриа таниулгын ажлыг 2016 оны 4 дүгээр сарын 8-ны өдөр зохион байгуулжээ.

Яриа таниулгад тус хорих ангид хорих, баривчлах ял эдэлж буй нийт ялтнууд хамрагдсан бөгөөд аймгийн прокурорын газрын туслах прокурор, хууль цаазын ахлах зөвлөх Г.Баяраа Монгол Улсын Их хурлаас шинээр батлан гаргасан Эрүүгийн хууль/шинэчилсэн найруулга/, Зөрчлийн тухай хуулиудаар сургалт орж, согтууруулах ундааны хор хөнөөлийг тайлбарлан таниулж, ялтнуудын сонирхсон асуултад хариулж, санал хүсэлтийг нь сонсч ажилласан байна.          

 ХОВД АЙМГИЙН ПРОКУРОРЫН ГАЗРЫН

ХЭВЛЭЛ МЭДЭЭЛЛИЙН АЛБА