Ховд аймгийн Прокурорын газраас 2015 онд хийсэн ажлыг ард иргэдэд сурталчлах, Монгол Улсын Ерөнхийлөгчөөс санаачлан хэрэгжүүлж буй “Шүүх эрх мэдлийн шинэтгэлийг гүнзгийрүүлэх хөтөлбөр”-ийн хүрээнд байгууллагын үйл ажиллагааг ил тод, нээлттэй байлгах, тус аймгийн 2015 оны эрүүгийн нөхцөл байдлын талаар товч танилцуулж, гэмт хэрэг, захиргааны зөрчлөөс урьдчилан сэргийлэх иргэдийн ухамсарыг нэмэгдүүлэх зорилгоор 2016 оны 3 дугаар сарын 17-ны өдөр “Прокурорын сэтгүүл”-ийг хэвлүүлэн гаргасан байна.

Сэтгүүлд аймгийн прокурорын мэндчилгээ, Ховд аймгийн болон Булган сум дахь Сум дундын прокурорын газрын товч танилцуулга, Ховд аймгийн 2015 оны эрүүгийн нөхцөл байдлын харьцуулсан судалгаа зэргийг тусгасан бөгөөд дээрх сэтгүүлийг жил бүр шинэчлэн гаргаж, ард иргэдэд Прокурорын байгууллагын үйл ажиллагааг сурталчлахаар болжээ.   

Ховд аймгийн Прокурорын газрын

Хэвлэл мэдээллийн алба