XVII жарны “Муу нүүрт” хэмээх Гал Бичин жилийн сар шинийн баяр зориулсан Үндэсний бөхийн барилдаан 2016 оны 02 дугаар сарын 07-нд Спортын цогцолборт боллоо. 
Энэхүү барилдаанд Үенч сумын харъяат, аймгийн арслан Б.Батмөнх, Дуут сумын харъяат, аймгийн арслан С. Ганхуяг нараар манлайлуулсан хүчит 64 бөх бяр хүч авхаалж самбаагаа сорин барилдсанаас Мөст сумын харъяат, аймгийн нэмэх начин Ц.Адъяа түрүүлж Чандмань сумын уугуул, Жаргалант сумын харъяат, аймгийн харцага Э.Эрдэнэбаяр үзүүрлэлээ. Тус барилдааны шөвгийн дөрөвт Алтай сумын харъяат, аймгийн начин Б.Энхбат, Алтай сумын харъяат, аймгийн начин н.Очбат шалгаран үлдлээ.