Монгол улсын Засаг захиргаа, нутаг дэвсгэрийн нэгж, түүний удирдлагын тухай хуулийн 20 дугаар зүйлийн 20.1.12, Засгийн газрын 2010 оны 172 дугаар тогтоолоор баталсан “Түүхэн үйл явдлын ой, тэмдэглэлт өдрийг тэмдэглэх, гавъяат үйлстнийг алдаршуулах, дурсгалыг мөнхжүүлэх журам”-ын 6.4 дэх заалт, аймгийн Засаг дарга болон Буянт сумын иргэдийн Төлөөлөгчдийн Хурлын саналыг үндэслэн Буянт сумын Соёлын төвийг Буянт сумын уугуул, Монгол улсын Гавъяат жүжигчин Сандагийн Мэндээгийн нэрэмжит болгон шийдвэрлэжээ.

Буянт сумын уугуул, Монгол улсын Гавъяат жүжигчин Сандагийн Мэндээгийн жүжигчний урлагийг хадгалан хамгаалах, хойч үедээ өвлүүлэн хөгжүүлэх, гавъяат үйлсийг алдаршуулан дурсгалыг нь мөнхжүүлэх зорилготой тус шийдвэрийг олон нийтэд сурталчлан таниулах, соёлын салбарт өв уламжлалыг хөгжүүлэх үе шаттай арга хэмжээ авч хэрэгжүүлэхийг аймгийн Засаг даргад даалгасан байна.