Баруун бүсийн аймгуудын нутгийн өөрөө удирдах байгууллагын сонгуультан, ажилтнуудын уулзалт, хэлэлцүүлэг, спортын арга хэмжээ энэ сарын 03-05-ны өдрүүдэд алс баруун хязгаар Баян-Өлгий аймгийн Өлгий хотод зохиогдож Ховд, Баян-Өлгий, Увс, Говь-Алтай аймгийн ИТХ-ын Төлөөлөгчид, Ажлын албаны ажилтнууд оролцлоо.

Тус арга хэмжээ нь нутгийн өөрөө удирдах байгууллагын сонгуультан, ажилтнуудын уулзалт, хэлэлцүүлэг болон спортын арга хэмжээ гэсэн 2 хэлбэрээр зохиогдсон юм.

Баруун бүсийн аймгуудын нутгийн өөрөө удирдах байгууллагын сонгуультан, ажилтнуудын уулзалт, хэлэлцүүлэгт Ховд аймгийн ИТХ-ын Төлөөлөгчид, Ажлын албаны ажилтнууд оролцож, аймгийн Засаг даргын орлогч, аймгийн ИТХ-ын Төлөөлөгч, Тэргүүлэгч М.Амарсанаа, аймгийн ИТХ-ын Нарийн бичгийн дарга Н.Бөхболд нар Ховд аймгийн нийгэм, эдийн засгийн талаар, 2014 онд ИТХ-аас баталсан бодлогын баримт бичиг, томоохон бүтээн байгуулалтын талаарх мэдээлэл хийв.

Тус уулзалт, хэлэлцүүлгийн дараа 7 төрөлт спортын арга хэмжээ болж 4 аймгийн ИТХ-ын Төлөөлөгч, ажлын албаны ажилтнуудын өрсөлдөөнд Ховд аймгийнхан илүү авхаалж самбаа, хурд хүчтэй байж багийн дүнгээр тэргүүллээ.

4 дэх жилдээ зохион байгуулагдаж буй тус тэмцээнд Ховд аймгийн баг 2 дахь удаагаа түрүүлэн Шилжин явах цомын эзэд болсон юм.

 Ховд аймгийн ИТХ-ын Төлөөлөгчид, Ажлын албаны ажилтнуудын тэмцээнд оролцсон байдал:

1. Сагсан бөмбөг – Тэргүүн байр

2. Гар бөмбөг – Дэд байр

3. Теннис – эрэгтэй төрөлд ИТХ-ын Нарийн бичгийн дарга Н.Бөхболд – Тэргүүн байр

                   -  эмэгтэй төрөлд ИТХ-ын Төлөөлөгч Ц.Нарантуяа – Тэргүүн байр

4. Биллиард – ИТХ-ын ЭЗҮӨХХ-ийн мэргэжилтэн Б.Баттүвшин – Тэргүүн байр

5. Шатар – Эрэгтэй төрөлд ИТХ-ын Төлөөлөгч Б.Хатанзориг – 3-р байр

                - Эмэгтэй төрөлд ИТХ-ын Төлөөлөгч Э.Өлзийхүү – 3-р байр

6. Дартс – Эрэгтэй төрөлд ИТХ-ын Төлөөлөгч, Шим-Ус ОНӨААТҮГ-ын дарга Д.Нямлхагва – Тэргүүн байр

 - Эмэгтэй төрөлд ИТХ-ын Төлөөлөгч Б.Амаржаргал – 3-р байр

7. Буудлага – Эмэгтэй төрөлд ИТХ-ын ОНХХ-ийн мэргэжилтэн Г.Ганзаяа – 3-р байр

Ийнхүү Баруун бүсийн аймгуудын нутгийн өөрөө удирдах байгууллагын сонгуультан, ажилтнуудын уулзалт, хэлэлцүүлэг, спортын арга хэмжээ амжилттай өндөрлөсөн бөгөөд дараагийн зогсоол Завхан аймаг байх юм.