Аймгийн Байгаль орчин, аялал жуулчлалын газар, Улз сав газрын захиргаанаас санаачлан, аймгийн ИТХ-ын Байгаль орчин, газрын тос, уул уурхайн бодлогын хороотой хамтран “Орон нутгийн хөгжил ба хариуцлагатай уул уурхай” хамтын ажиллагааны уулзалтыг өнөөдөр зохион байгуулж байна. 
Уулзалтад аймгийн ИТХ-ын Байгаль орчин, газрын тос, уул уурхайн бодлогын хороо, аймгийн Байгаль орчин, аялал жуулчлалын газар, сумдын ИТХ-ын дарга, Засаг дарга, ашигт малтмал, уул уурхай эрхлэгч ААН, байгууллагуудын төлөөлөл оролцож байна.
Уулзалтын гол зорилго нь орон нутгийн байгаль орчны чиглэлийн болон Нутгийн захиргааны байгууллага, тусгай зөвшөөрлөөр цацраг идэвхт  бусад ашигт малтмалын хайгуул, ашиглалт үйл ажиллагаа эрхэлж буй ААН, байгууллага хоорондын ил тод, тодорхой хамтын ажиллагааг бий болгох юм. Мөн Ашигт малтмалын тухай хуулийн 42 дугаар зүйлийн 42.1-д “Тусгай зөвшөөрөл эзэмшигч нь байгаль орчныг хамгаалах, уурхай ашиглах, үйлдвэр байгуулахтай холбогдсон дэд бүтцийг хөгжүүлэх, ажлын байр нэмэгдүүлэх асуудлаар нутгийн захиргааны байгууллагатай гэрээ байгуулж ажиллана” гэж заасан байдаг. Энэ дагуу Нутгийн захиргааны байгууллагатай хамтын ажиллагааны гэрээ байгуулах ажээ. Уулзалт 16:00 цагт өндөрлөнө.