Худалдаа хөгжлийн банкны Дорнод салбар “Баялаг бүтээгч, бизнес эрхлэгчдийг дэмжих жил”-ийн хүрээнд баялаг бүтээгчиддээ санхүүгийн болон санхүүгийн бус гэсэн 2 чиглэлээр дэмжлэг үзүүлэх тухайгаа албан ёсоор мэдэгдлээ. Санхүүгийн дэмжлэгт:

• Бизнес эрхлэгчдэд төслийн зээлийн сургалт, зөвлөгөөнүүдийг өгч төслийн зээлийг судлан олгож, бизнес эрхлэгчдийн үйл ажиллагааг дэмжих
• Барьцаа хөрөнгө хангалтгүй харилцагчид зээлийн батлан даалтын сангийн баталгаатай зээлийг олгож, бодит дэмжлэг үзүүлэх
• Төсөл бичих арга, аргачлалыг өдөр бүр өөрийн салбар нэгжүүдээр зээлийн мэргэжилтнүүд өгч ажиллах бол

Санхүүгийн бус дэмжлэгээр:

• Харилцагч байгууллагуудтай хамтран банкны бүтээгдэхүүн үйлчилгээний талаар сургалт яриа, танилцуулга хийх
• Лейди мерчант байгууллагуудаа банкны цахим хуудас, сонин, боршур дээр сурталчлан маркетингийн нэгэн сувгийг нээж өгөх
• МТ карт, Лейди карт, Мост мони, TDB онлайн танилцуулах өдөрлөгийг тохиромжтой газарт нь сурталчлах
• Лейди мерчант болох 14 байгууллагыг хамарсан бүтээгдэхүүн үйлчилгээг сурталчилсан Экспо худалдаа зохион байгуулах зэргээр баялаг бүтээгч бизнес эрхлэгчдээ дэмжих юм.