Халхголын хошуу үүсэн байгуулагдсаны 325 жил, Их бурхант аравнайлсны 150 жил, Вангийн цагаан уулын тахилга,  Халхгол сум байгуулагдсаны 90 жилийн ойн баярын арга хэмжээ эхэллээ. Өнөөдөр Вангийн цагаан уулын тахилга болох бол маргааш Хүндэтгэлийн концерт, 8-р сарын 17-нд баяр наадмын нээлт, 6 насны морины уралдаан, хүчит бөхийн барилдаан эхлэх юм байна. Мөн энэ үеэр “Тушаал” драмын жүжиг болон төрөл бүрийн спорт тоглолт, “Халхголын тэнгэр дор” үдэшлэг, Транс шоу зэрэг арга хэмжээнүүд болох ажээ. Харин Их бурхантыг аравнайлах ёслол өчигдөр боллоо.