Засгийн газрын ээлжит 14-р хуралдаанаар энэ сарын 27-28-нд шилжих  шөнө “цаг урагшлуулах” шийдвэр гаргалаа. Энэ нь 10 жилийн дараа хийж буй өөрчлөлт аж. Монгол улс анх 1960 онд "цаг урагшлуулах" зохицуулалт хийж байсан бөгөөд үүнийг 1999 онд хүчингүй болгоод 2001 онд дахин сэргээсэн байна.Ингээд  2005 онд дахин хүчингүй болгосон  аж. 

Ийнхүү 10 жилийн дараа  дахин сэргээж цаг урагшлуулах зохицуулалт хийж байна.

Зуны цагийн хуваарь буюу цагийг урагшлуулах нь эдийн засаг тэр дундаа эрчим хүчний асар их хэмнэлт гардаг гэлцдэг.  Эдийн засгаас гадна нийгмийн олон сөрөг үзэгдэл буюу гэмт хэргийн гаралт ч багасдаг талаар судалгаа байдаг аж. Гэвч цагийг зохиомлоор албадан өөрчлөх нь хүний эрүүл мэндэд муугаар нөлөөлж, био хэмнэл алдагдахаас гадна улирлын чанартай өвчлөл ихэсдэг байна.

Дашрамд дуулгахад дэлхийн 70 гаруй улс зуны цагийн тоололд шилждэг аж.