Аймгийн Иргэдийн Төлөөлөгчдийн хурал, Засаг даргын Тамгын газрын Хууль зүйн хэлтэс хамтран "Авлигын эсрэг 2015 оны үйл ажиллагааны төлөвлөгөө , Архигүй-Өмнөговь хөтөлбөрийн 2015 оны төлөвлөгөө, Гэмт хэргээс урьдчилан сэргийлэх аймгийн зөвлөлөөс хэрэгжүүлэх 2015 оны ажлын төлөвлөгөөний төсөлд санал авах нээлттэй хэлэлцүүлгийг аймгийн Иргэний танхимтай хамтран зохион байгууллаа. 
            Хэлэлцүүлэгт иргэд, олон нийтийн байгууллагын төлөөлөл 51 иргэн, төрийн байгууллагын төлөөлөл  20 гаруй төрийн албан хаагч оролцсон байна.
            Хэлэлцүүлэгт оролцогчдод Хууль зүйн хэлтсийн мэргэжилтэн Н.Нарангарав Архигүй-Өмнөговь хөтөлбөр, Авлигын эсрэг үйл ажиллагааны талаарх мэдээлэл өгч төслийг танилцуулав.
            Мөн аймгийн Гэмт хэргээс урьдчилан сэргийлэх аймгийн зохицуулах зөвлөлөөс хэрэгжүүлсэн ажил арга хэмжээний талаар зөвлөлийн гишүүн товч мэдээлэл өглөө.
            Эдгээр төлөвлөгөөний төслүүдийг  иргэд, олон нийт, төрийн байгууллагуудад танилцуулан хэлэлцүүлж тэдний саналыг сонсон оновчтой, үр дүнд хүрэх саналуудыг төлөвлөгөөнд тусган хэрэгжүүлэхээр төлөвлөөд байна.