Өнөөдөр буюу 2014 оны 12 дугаар сарын 25-ны өдөр аймгийн ИТХ-ын Ээлжит бус хуралдаан хуралдлаа. Хуралдаанд аймгийн ИТХ-ын 41 Төлөөлөгчөөс 25 нь хүрэлцэн ирж 60,9 хувийн ирцтэйгээр хуралдаж:

-Аймгийн ИТХ-ын Төлөөлөгчийн бүрэн эрхийг зөвшөөрөх тухай илтгэл

-Аймгийн  2014 оны төсөвт тодотгол хийх тухай илтгэлийг хэлэлцэж шийдвэрлэлээ.

Монгол улсын Засаг захиргаа, нутаг дэвсгэрийн нэгж, түүний удирдлагын тухай хуулийн 13 дугаар зүйлийн 13.2.5, Аймаг, сум, дүүргийн ИТХ-ын сонгуулийн тухай хуулийн 57 дугаар зүйлийн 57.2 дахь заалт, аймгийн ИТХ-ын Төлөөлөгч Ц.Ганчимэгийн өөрийн хүсэлтийг үндэслэн түүнийг ИТХ-ын Төлөөлөгчөөс чөлөөллөө. Ийнхүү аймгийн иргэдийн Төлөөлөгчдийн хурлын төлөөлөгчөөр Монгол Ардын Намаас хувь тэнцүүлсэн хэлбэрээр сонгогдсон Ц.Ганчимэгийн бүрэн эрхийн хугацаа 2014 оны 12 дугаар сарын 25-ны өдрөөр дуусгавар боллоо.

Төлөөлөгчийн бүрэн эрх дуусгавар болсонтой холбоотойгоор аймгийн иргэдийн Төлөөлөгчдийн Хурлын сонгуульд Монгол Ардын Намаас нэр дэвшигчдийн жагсаалтын дараалал, эрэмбийн дагуу хувь тэнцүүлсэн хэлбэрээр Галаагийн Жаргалыг аймгийн ИТХ-ын Төлөөлөгчөөр нөхөн сонгосон байна.

Улсын нэгдсэн төсөвт 2014 оны 12 дугаар сард тодотгол хийж орон нутгийн төсвийн санхүүгийн дэмжлэгийг 18,1 сая, тусгай зориулалтын шилжүүлгийн санхүүжилтийг 20,7 сая, ОНХС-ийн орлогын шилжүүлгийг 812,9 сая төгрөгөөр тус тус буурч батлагдсан байна. Энэ тодотголын өөрчлөлтөнд үндэслэн орон нутгийн 2014 төсөвт тодотгол хийж өөрчлөлт хийж баталлаа.