Ховд аймгийн хувьд энэ жил Олон улсын хүүхдийн эрхийг хамгаалах өдрийг “Хүүхэд бүр тэгш эрхтэй” уриан дор тэмдэглэн өнгөрүүлж байна.
Баярын нээлтэд аймгийн ИТХ-ын дарга Зуноровын Эрхбаяр, аймгийн Засаг дарга, Хүүхдийн төлөө зөвлөлийн дарга Морхын Амарсанаа тэргүүтэй бусад албаны төлөөллүүд оролцож, хүүхэд багачууд, эцэг эхчүүдэд мэндчилгээ дэвшүүллээ.
Нээлтийн арга хэмжээний үеэр авьяаслаг хүүхэд багачууд, сурагчид, дуу хуур бүжиг наадмынхаа дээжээс өргөн барив.
Аймгийн хэмжээнд 2025 оны байдлаар 0-17 насны 34982 хүүхэд байна. Тэдний 17907 хүү, 17075 охид эзэлж байна.
