Хүүхэд бүрийн инээд баясал цангинаж, хүсэл мөрөөдөл нь биелж, эрүүл энх, аз жаргалаар дүүрэн өсөж торних болтугай. Энэрэл хайр, эв нэгдэл, гэр бүлийн халуун дулаан уур амьсгал үргэлж бялхаж байхыг хүсэн ерөөе.
Хүүхдийн эсэн мэнд амьдрах, хөгжих, хамгаалуулах, нийгмийн амьдралд оролцох эрхийг хангах чиглэлээр орон нутгийн бодлого, хөтөлбөрийг хэрэгжүүлж, шаардлагатай төсөв, санхүүжилтийг шийдвэрлэн, хэрэгжилтэд хяналт тавьж ажиллах нь эх орны ирээдүй болсон хүүхэд багачууд маань эрүүл энх өсөж, хүсэл мөрөөдлөө биелүүлэн, эх орныхоо хөгжил дэвшлийн эзэд болон төлөвших баталгаа юм.
Үрс бүхэн жаргалтай инээж, эх хүн бүрийн сэтгэл баяраар дүүрэн байх болтугай!
