Хос хоёр Алтай, холбоо гурван нуур,
Эгшиглэнт хөөмийн өлгий,
Эрдэниийн Чандмань нутгийн түүхт 100 жилийн ойн баяр наадмын нээлт ёслол төгөлдөр эхэллээ.
Тус сумын ойн баярын нээлтэд Монгол улсын их хурлын гишүүд, аймаг орон нутгийн удирдлагууд, Чандмань сумаас төрөн гарсан алдартан гавьяатууд, уугуул суугуул иргэд оролцлоо.
Түүхт 100 жилийн ойн баярыг тохиолдуулан Чандмань сумыг Монгол Улсын Ерөнхийлөгчийн зарлигаар "Хөдөлмөрийн гавьяаны улаан туг"-ийн одонгоор шагнав.
Мөн Ховд аймгийн Засаг дарга асан Д.Цэвээнравдан "Байгаль орчны гавьяат ажилтан" цолоор шагнагдлаа.
