Тамхины иш нь удаан хугацаанд байгальд шингэхгүй байсаар байдаг бөгөөд шингэх үедээ хөрс, усны бохирдол үүсгэдэг байна. Кадо брэндийг үүсгэн байгуулагч У.Баяр нь Өмнөговь аймгийн харъяат иргэн бөгөөд байгаль эх дэлхийгээ хайрлан хамгаалах, тамхи татдаг залуусыг соёлтой хэрэглээнд нэвтрүүлэх зорилгоор тус тамхины иш түр хадгалах хэтэвчийг анх үйлдвэрлэж эхэлсэн байна. Уг хэтэвч нь галд тэсвэртэй нано материалаар хийгдсэн тул аюулгүй, угааж цэвэрлэхэд хялбар, дахин ашиглагддагаараа давуу талтай юм.

Байгаль орчинд ээлтэй бүтээгдэхүүн санаачлан хийж, иргэдийг соёлтой хэрэглээнд уриалж байгаа нутгийнхаа брэнд бүтээгч залуусыг аймаг орон нутгийн зүгээс дэмжин хамтарч ажиллахад бэлэн байгаагаа аймгийн ИТХ-ын дарга Н.Энхбат илэрхийллээ.