Иргэн бүр насан туршийн суралцахуйн үйлчилгээнд хамрагдах тэгш боломжийг бүрдүүлэн, сургалт үйл ажиллагаанд түншлэлийг хөгжүүлж, насан туршийн суралцахуйн үзэл баримтлал, суурь тогтолцоог шинэчлэх зорилготой Ховд аймгийн Жаргалант сумын Насан туршийн боловсролын төв нь дүйцсэн хөтөлбөр, иргэдийн сургалт, бичиг үсгийн сургалт гэсэн чиглэлээр үйл ажиллагаа явуулж байна.

Энэ хичээлийн жилд Насан туршийн боловсролын төвд 60 хүүхэд суралцаж байна. Мөн Насанд хүрэгчдэд танхимын болон, эчнээ сургалтаар бичиг үсэгт тайлагдах, бичиг үсгийн чадвараа дээшлүүлэх сургалтыг явуулж байна.

Тус төв нь ЕБ-ын 1-р сургуулийн номын сангийн байранд үйл ажиллагаа явуулдаг. Өөрийн гэсэн хичээлийн байр, анги танхимгүй тул олон хүндрэл тулгардаг байна. Тиймээс насан туршийн боловсролын төвд үйл ажиллагаагаа явуулах байрны асуудал шийдвэрлэж өгөхийг аймгийн ИТХ-ын төлөөлөгчдөд уламжиллаа.