Тулгар төрийн 2232, Их Монгол улсын 817, Үндэсний эрх чөлөө, Тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмын Урианхай сурын харвааны төрөлд:

Баян-Өлгий Аймгийн Булган сумын уугуул, Ховд аймгийн Мянгад сумын харьяат Ховд Эко цемент Вестерн Холд компани, Алтайн Шонхор багийн харваач аймгийн мэргэн, спортын мастер Дамиранжавын Алтангэрэл 28 оноогоор тэргүүлж УРИАНХАЙ СУРЫН УЛСЫН МЭРГЭН цол хүртсэн.

Д.Алтангэрэлийн цолны мялаалга, хүндэтгэлийн арга хэмжээний үеэр Аймгийн ИТХ-ын дарга Г.Пүрэвганди, ИТХ-ын төлөөлөгч П.Гэрэлсүрэн нар түүнд хүндэтгэл үзүүлэн баяр хүргэж аймаг, орон нутгийн зүгээс Талархал, 10,000,000₮-ийн батламжийг гардуулан өгөв.

Урианхай сурын улсын мэргэн Д.Алтангэрэл 2008 оноос сурын спортоор хичээллэж:

2017 оны 7 дугаар сарын 25-нд Ховд аймгийн Мөнххайрхан суманд зохион байгуулагдсан Урианхай сурын улсын аварга шалгаруулах тэмцээнд Спортын мастер

2018 онд Улаанбаатар хотод зохион байгуулагдсан Мөсөн сурын улсын аварга шалгаруулах тэмцээнээр спортын дэд мастер

2020 оны ардын хувьсгалын 99 жилийн ойн баяр наадмаар Үндэсний сурын Аймгийн мэргэн цол

2023 оны ардын хувьсгалын 102 жилийн ой, Үндэсний их баяр наадмаар Улсын мэргэн цолыг тус тус хүртсэн амжилттай байна.

Уухайн түрлэг шиг хийморьтой

Цэцлэн харвах нум шиг эрчтэй байхыг хүсэн ерөөе!