Хөтөлбөрийн хүрээнд англи, орос, хятад хэлтэй 6 оюутантай 1 сарын хугацаанд хөдөлмөрийн гэрээ байгуулан ажиллаж байна. Оюутан цагдаа нар нь гадаадын жуулчид болон иргэдийг гэмт хэрэг, зөрчлөөс урьдчилан сэргийлэх, мэдээ мэдээллээр хангаж санамж сэрэмжлүүлэг хүргэн ажиллаа.
Баяр наадмын өдрүүдэд хурдан морь унаач 500 гаруй хүүхдийг бэртэж гэмтэхээс урьдчилан сэргийлэх чиглэлээр уяач нарт санамж бичиг, бага насны 1000 гаруй хүүхдэд эцэг эхээсээ төөрөхөөс урьдчилан сэргийлж эцэг эхийн утасны дугаартай бугуйвч тарааж, төөрсөн 2 хүүхдийг эцэг, эх асран хамгаалагчид нь хүлээлгэж өгсөн байна.
