Аймгийн ИТХ-ын Зөвлөлийн ээлжит бус 3 дугаар хуралдаанаар Монгол Улсын шинэ үндсэн хууль, нутгийн өөрөө удирдах байгууллагын шинэ тогтолцооны 30 жилийн ойд зориулсан Аймгийн иргэдийн Төлөөлөгчдийн Хурлын “Хүндэтгэлийн хуралдаан”-ы товыг 2022 оны 11-р сарын 26-ны өдөр зохион байгуулахаар тогтлоо.

Хүндэтгэлийн хуралдаанд Төв аймгийн ИТХ-ын дарга, Аймгийн Засаг даргаар ажиллаж байсан үе үеийн удирдлагууд, Аймгийн ИТХ-ын үе үеийн төлөөлөгчид, Хурлын ажлын албанд ажилллаж байгаа болон ажиллаж байсан ахмад ажилтнууд оролцох болно.

Мөн хуралдааны үеэр Монгол Улсын Ерөнхийлөгчийн 2022 оны долдугаар сарын 11-ний өдрийн “Эзэн Богд Чингис хааны эш хөргийг хүндэтгэн залах тухай” 159 дүгээр зарлигийн дагуу Эзэн Чингис хааны эш хөргийг Хуралдааны Их танхимд хүндэтгэн залах ёслолыг зохион байгуулахаар төлөвлөлөө.