Хүний эрхийн Үндэсний Комиссын гишүүн П.Оюунчимэгээр ахлуулсан ажлын хэсэг энэ сарын 7, 8-ны өдрүүдэд Ховд аймагт ажиллаж, 10 гаруй байгууллагад хяналт шалгалт хийлээ.
Мөн төрийн албан хаагчдын жендерийн мэдлэг, ойлголтыг нэмэгдүүлэх чиглэлээр сургалт зохион байгуулсан юм.
Тус ажлын хэсгийнхэн төрийн байгууллагуудын Жендерийн эрх тэгш байдлыг хангах тухай хуулийг хэрэгжүүлж буй байдал, төрийн алба, үйлчилгээ, хөдөлмөрийн харилцаанд жендерийн тэгш бус байдал, ялгаварлан гадуурхалт, ажлын байран дахь бэлгийн дарамт зэрэг хүний эрхийн зөрчил гарахаас урьдчилан сэргийлэх чиглэлээр хийсэн хяналт шалгалтын ажлын дүнг өнөөдөр танилцууллаа.
Энэ үеэр байгууллага тус бүрийн үйл ажиллагаанд илэрсэн зөрчил дутагдал, тэдгээрийг засаж залруулах чиглэлээр авч хэрэгжүүлэх арга хэмжээний талаар мэргэжлийн зөвлөмжийг өгсөн юм.
