Тулгар төрийн 2229, Их Монгол Улс байгуулагдсаны 814, Ардын хувьсгалын 99 жилийн ой, Ховд аймгийн баяр наадмын Шагайн харваанд 40 гаруй харваач оролцлоо.  

Цуваа харваанд 1-р байранд Говь-Алтай аймгийн Есөн уул сумын харьяат Зэвсэгт хүчний 123-р ангийн харваач Г.Өнөрбаясгалан Аймгийн гоц мэргэн цол, 2-р байранд Ховд аймгийн Буянт сумын харьяат “Ховд Дулааны станц” ТӨХК-ний харваач С.Лхагвадорж Аймгийн гоц мэргэн цол хүртсэн бол 3-р байранд Ховд аймгийн Алтай сумын харьяат “Ховд Дулааны станц” ТӨХК-ний харваач М.Энхмаргал, 4-р байранд Ховд аймгийн Дуут сумын харьяат “Ховд Дулааны станц” ТӨХК-ний харваач Б.Мөнгөншагай, 5-р байранд Завхан аймгийн Их уул сумын харьяат 123-р ангийн харваач М.Жамбалсүрэн нар шалгарч аймгийн удирдлагуудаас шагналаа гардан авлаа.

Мөн багийн харвааны төрөлд Аймгийн гоц мэргэн Б.Нармандах ахлагчтай “Хос-Алтай” багийн тамирчид түрүүлж, 2-р байранд Аймгийн гоц мэргэн М.Энхжаргал ахлагчтай “Ховд Дулааны станц” ТӨХК-ний багийн тамирчид, 3-р байранд С.Сандагсүрэн ахлагчтай Шүүхийн шийдвэр гүйцэтгэх газрын баг тамирчид шалгарлаа.  

Ардын хувьсгалын 99 жилийн ой, Ховд аймгийн баяр наадмын Шагайн харваанд амжилттай харваж, “Аймгийн гоц мэргэн”-ий болзлыг Ховд аймгийн Буянт сумын харьяат “Ховд Дулааны станц ТӨХК”-ний харваач Сүрэнжав овогтой Лхагвадорж, Завхан аймгийн Дөрвөлжин сумын харьяат “Хос-Алтай” багийн харваач Жамганжав овогтой Оюунбат нар “Аймгийн гоц мэргэн” цол үнэмлэхийг гардан авлаа.