Аймгийн ИТХ-ын Тэргүүлэгчдийн хурал хуралдлаа. Хурлаар “Эхийн алдар” нэг,
хоёрдугаар зэргийн одонгоор шагнуулахаар өргөн мэдүүлэх тухай, ажлын хэсэг
байгуулах тухай, санал уламжлах тухай, төрийн дээд шагналд тодорхойлж өргөн
мэдүүлэх тухай зэрэг 4 асуудал хэлэлцэн баталлаа.
Тухайлбал:
2019 онд Ховд аймгийн хэмжээнд “Эхийн алдар” нэгдүгээр зэргийн одонгоор 31 эх,
хоёрдугаар зэргийн одонгоор 331 эх шагнагдаж байсан бол энэ жил “Эхийн алдар” нэгдүгээр
зэргийн одонгоор 41
эх, хоёрдугаар зэргийн одонгоор 344 эх материалаа бүрдүүлж,
аймгийн ИТХ-ын Тэргүүлэгчдийн тогтоолоор МУ-ын Ерөнхийлөгчийн Тамгын газрын
шагналын тасагт уламжилж байна.
Мөн Монгол Улсын Их Хурлын сонгуулийг зохион байгуулах, мэргэжил
арга зүйн удирдлагаар хангахаар аймгийн Сонгуулийн хороог 9 хүний бүрэлдэхүүнтэйгээр
байгуулж, тогтоолыг МУ-ын Сонгуулийн Ерөнхий хороонд уламжилна.
