Авлигын эсрэг хууль болон Нийтийн албанд нийтийн болон хувийн ашиг сонирхлыг зохицуулах ашиг сонирхлын зөрчлөөс урьдчилан сэргийлэх тухай хуулинд заасны дагуу нийтийн албан тушаалтнууд жил бүрийн 02 дугаар сарын 15-ны дотор ХАСХОМ /хувийн ашиг сонирхлын мэдүүлэг болон хөрөнгө орлогын мэдүүлэг/-ээ гаргаж өгөх үүрэгтэй байдаг.

       Ховд аймгийн ИТХ-ын Ажлын албанд ХАСХОМ гаргаж өгвөл зохих аймаг, сумдын ИТХ-ын дарга, Төлөөлөгчид, Нарийн бичгийн дарга, аймаг, сумдын Засаг дарга, Засаг даргын орлогч дарга, багийн Засаг дарга, нарийн бичгийн дарга нарын нийт 460 албан тушаалтны 2019 оны мэдүүлгийг аймгийн ИТХ-ын НУБЗХ-ийн мэргэжилтэн Р.Цэцэгжаргал шинэчлэн гаргуулж хуулийн хугацаанд meduuleg.iaac.mn цахим системд 100 хувь бүртгүүлэн, хяналт тавьж,  баталгаажуулалтыг хийлээ.

        Хуулийн хэрэгжилтийг хангуулахад хамтран ажилласан салбар нэгжийн Эрх бүхийн албан тушаалтнууд /ЭБАТ/ сумдын ИТХ-ын Нарийн бичгийн дарга нарт болон үүргээ биелүүлж хамтран ажилласан албан тушаалтнууддаа талархал илэрхийлье.

Аймгийн ИТХ-ын Ажлын алба