Аймгийн ИТХ-ын Тэргүүлэгчид өнөөдөр хуралдлаа. Хурлаар аймгийн 2020 оны нэгдсэн арга хэмжээний төлөвлөгөө батлах тухай, аймгийн ИТХ-ын 2020 оны гүйцэтгэлийн төлөвлөгөө танилцуулах, албан тушаалын тодорхойлолтыг баталж, цалинг шинэчлэн тогтоох тухай, олон нийтийн цагдаагийн ажилтны тоо тогтоох тухай, орон нутгийн өмчийн газрын үндсэн хөрөнгө бүртгэх зөвшөөрөл олгох тухай, үндсэн хөрөнгө акталж, данснаас хасах зөвшөөрөл олгох тухай, нийтийн дуудлага худалдаа зарлах тухай болон төрийн дээд шагналд тодорхойлж, Ерөнхийлөгчийн Тамгын газарт өргөн мэдүүлэх зэрэг асуудлуудыг хэлэлцлээ. Мөн Ховд аймгийн Эрдэнэбүрэн сумыг “Галдан хааны одон”-гоор шагнахаар шийдвэрлэлээ.