Үйл ажиллагаагаа сурталчлах, иргэд, олон нийтийн хамтын ажиллагааг өргөжүүлэх, тэдний санал хүсэлтийг сонсож, шийдвэрлэх, цаашдын төлөвлөгөөнд тусган хэрэгжүүлэх болон 2019 онд дэвшүүлсэн зорилтын шалгуур, үзүүлэлтийг хангах Цагдаагийн ерөнхий газрын болон цагдаагийн газрын гүйцэтгэлийн төлөвлөгөөг хэрэгжүүлэх чиглэлээр зохион байгуулсан үйл ажиллагааны тайлангаа Ховд аймаг дахь Цагдаагийн газар 12 дугаар сарын 26-ны өдөр  иргэд, албан байгууллага, аж ахуйн нэгж болон албан хаагчиддаа тайлагналаа.

Хурлын үеэр гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үйлсэд идэвх зүтгэл, үр бүтээл гарган ажиллаж, улиран одож буй 2019 онд ажлын гүйцэтгэл, үр дүн, мэргэжлийн ур чадвараар хамт олноо хошуучилсан алба хаагчдыг шагнаж, мөнгөн урамшуулал олгов.