Энэ сарын 28-ны өдөр аймгийн Прокурорын газрын шинэ байрны нээлтийн үйл ажиллагаа боллоо. Шинэ байрны нээлтийн үйл ажиллагаанд аймгийн ИТХ-ын дарга Г.Пүрэвганди оролцлоо.

Ховд аймгийн Прокурорын газар нь анх 1932 онд байгуулагдсан. Тэр цагаас хойш 5 өөр байранд байрлаж байсан бөгөөд өнөөдөр ийнхүү анх удаагаа шинэ байранд үйл ажиллагаагаа явуулж эхэллээ. 

Тус байгууллага нь 19 ажилтан, албан хаагчтай бөгөөд орон нутагт томилогдон ажилладаг прокуроруудыг орон сууцаар хангах зорилгоор шинэ барилгын 3-р давхрыг 4 айлын орон сууцны зориулалтаар барьснаараа онцлогтой юм. Тус барилгын ажлыг Улсын төсвийн 1,1 тэрбум төгрөгийн хөрөнгө оруулалтаар “Турлиахт” ХХК гүйцэтгэжээ.

                        Эх сурвалж: http://khovd.gov.mn/? p=3333&fbclid=IwAR1WYTxpAPtUSzQ7Y2TwgwJAbNvKIwV75ydVk2GDDYo6k6Kx2_lVvqv-wQY