Аймгийн ИТХ-ын дарга Г.Пүрэвганди 1/501 тоот албан бичиг гаргаж аймгийн Засаг дарга Б.Дүгэржавд хугацаатай үүрэг өглөө. Аймгийн ИТХ-ын даргын үүрэг, чиглэлд дулаан халаалтын засвар үйлчилгээг яаралтай дуусгаж орон сууц, байгууллагуудын дулаан халаалтыг жигдрүүлэх, малчдын отор нүүдэл хийх газар, хугацаа, цаг агаарын нөхцөл байдлыг зөв тодорхойлж зураглал хийх, өвс, хадлан тэжээлийн нөөц бэлтгэхэд анхаарах, Ховд аймгийн утаа, агаар орчны бохирдлыг бууруулах ажлыг эрчимжүүлж, “Хашаандаа сайхан амьдрая” агаар орчны бохирдлыг бууруулах хөтөлбөрийн хэрэгжилтийг эрчимжүүлэх, 2019 оны хөрөнгө оруулалтын чанар үр дүнд тавих хяналтыг сайжруулах, хийж буй ажлынхаа үр дүн, хэрэгжилтийг ард иргэдэд үнэн бодитой цаг алдалгүй мэдээллэж байх, төрийн албан хаагчдын сахилга хариуцлагыг дээшлүүлэх талаар бодитой ажил зохион байгуулах зэрэг 13 асуудлаар хугацаатай үүрэг чиглэл өглөө.