Аймгийн ИТХ-ын дарга Г.Пүрэвгандиар ахлуулсан ажлын хэсэг 10 дугаар сарын 11-12-ны өдрүүдэд Мөнххайрхан, Зэрэг сумдад ажиллах үеэрээ Мөнххайрхан сумын Спорт, соёлын төвийн заалны бүтээн байгуулалтын ажлын явцтай газар дээр нь танилцаж тулгамдаж байгаа болон цаашид анхаарах асуудлын талаар ярилцлаа. Тус Спорт, соёлын төвийн 300 хүний суудалтай заалыг “Саруул цамхаг” ХХК хийж гүйцэтгэн, гэрээнд заасан хугацаандаа барилгын ажлаа чанартай хийж дуусган, ашиглалтад хүлээлгэн өгөхөөр шуурхай ажиллаж байна. Мөн Мөнххайрхан сумын Ахмадын өргөөний үйл ажиллагаатай танилцлаа.