Аймгийн
ИТХ-ын Ажлын албанаас “Төлөөлөгчдийн
өдөр”-ийг өнөөдөр “Бадамлах дөл” дулааны станц,
“Ховд” дулааны станц, Жаргалант сумын 12 жилийн 3 дугаар сургууль, Лаборатори 1
дүгээр сургуулиуд дээр зохион байгууллаа.
“Төлөөлөгчдийн өдөр”-ийн хүрээнд “Бадамлах дөл” дулааны
станц, “Ховд” дулааны станцын үйл ажиллагаа болон өвөлжилтийн бэлтгэл ажил,
шугам сүлжээний засвар ажлын явц, үр дүнгийн талаар санал бодлоо солилцож, аж
ахуйн нэгж, албан байгууллага, айл өрхүүдийн дулаан халаалтыг яаралтай хэвийн
болгохыг үүрэг болголоо.
Мөн Жаргалант
сумын 12 жилийн 3 дугаар сургууль, Лаборатори 1 дүгээр сургуулийн “Үдийн цай”
хөтөлбөрийн үйл ажиллагаатай газар дээр нь танилцаж, сургуулийн сурагчидтай “Үдийн
цай” хөтөлбөрийн амт чанарын талаар санал бодлоо солилцов. Тус сургуулиудын “Үдийн цай” хөтөлбөрийг
“Хатан түнгэл” ХХК-ний “Наран хүнс” үйлдвэр хийж гүйцэтгэж байна.
