“Хан Жаргалант Ховд” хоршооны Мах боловсруулах үйлдвэрийн нээлтийн үйл ажиллагаа 09 дүгээр сарын 24-ний өдөр боллоо. Нээлтийн арга хэмжээнд аймгийн ИТХ-ын дарга Г.Пүрэвганди, Засаг дарга Б.Дүгэржав нарын орон нутгийн удирдлагууд бизнес эрхлэгчид, иргэдийн төлөөлөл оролцлоо.

 “Хан Жаргалант Ховд” хоршооны "Мах боловсруулах үйлдвэр өдөрт 2-3 тн мах боловсруулан 30 гаруй нэр төрлийн бүтээгдэхүүн үйлдвэрлэх хүчин чадалтай.

Анх 2004 онд 2 орон тоотой байгуулагдаж байсан “Хан” хиамны цех ийнхүү томоохон үйлдвэр болон өргөжиж байна. Одоогоор 20 хүний орон тоотой, үйлдвэрийн хүчин чадлынхаа 30-40 хувийг ашиглаж байгаа бөгөөд бүрэн хүчин чадлаараа ажиллавал 40-50 хүнийг байнгын ажлын байраар хангаж баруун бүсийн аймгуудын иргэдийн 60-70 хувийг боловсруулсан мах, махан бүтээгдэхүүнээр хангах боломжтой юм.