Аймгийн ИТХ-ын Ээлжит 7 дугаар хуралдаан өнөөдөр 9:30 минутанд эхэллээ. Хуралдаанд аймгийн ИТХ-ын 41 Төлөөлөгчөөс 34 нь хүрэлцэн ирж 82,9 хувийн ирцтэйгээр хуралдаж байна.

Хуралдааны хэлэлцэх асуудлын дараалал ёсоор “Аймгийн иргэдийн Төлөөлөгчдийн Хурлын 2014 оны үйл ажиллагааны тайлан”-г Төлөөлөгчид хэлэлцэж “Хангалттай” үнэлгээ өглөө.

Яг одоо “Аймгийн Засаг даргын 2012-2016 оны үйл ажиллагааны хөтөлбөрийн биелэлтийн явц”, “Аймгийн эдийн засаг, нийгмийг хөгжүүлэх 2014 оны үндсэн чиглэлийн хэрэгжилт”, “2015 оны зорилт”-ын тухай илтгэлтэй танилцаж байна.

Өнөөдрийн хуралдаанаар:

1.Орон нутгийн 2014 оны төсвийн тодотголын тухай

2.“Орон нутгийн төсвийн 2014 оны хүлээгдэж буй гүйцэтгэл, 2015 оны төсвийн төсөл, 2013 оны гүйцэтгэл”-ийн тухай илтгэл

3.“2015 оны орон нутгийн төсвийн төсөлд болон төсвийн хөрөнгийн үр ашгийг дээшлүүлэх, орлого нэмэгдүүлэх талаар аймгийн Аудитын газраас оруулах санал, дүгнэлт”-ийн тухай

4.“Аймгийн 2014 оны газар зохион байгуулалтын ерөнхий төлөвлөгөөний хэрэгжилтийн дүн, 2015 оны газар зохион байгуулалтын ерөнхий төлөвлөгөө”-ний тухай асуудлуудыг тус тус хэлэлцэж шийдвэрлэнэ