Ардын хувьсгалын 98 жилийн ой Үндэсний их баяр наадмын өсвөрийн бөхийн барилдаанд  15-16 насны 32 бөх барилдсанаас Алтай сумын ерөнхий боловсролын сургуулийн 10б ангийн сурагч Ц.Сумъяабазар түрүүлж, Чандмань сумын харьяат, Жаргалант сумын ерөнхий боловсролын 6 дугаар сургуулийн 10г ангийн сурагч М.Наранмандах үзүүрлэв.

Их шөвөгт  Дөргөн сумын харьяат, Прогресс сургуулийн 10б ангийн сурагч Б.Одгэрэл, Дөргөн сумын сургуулийн сурагч Ө.Бат-оргил нар шалгарлаа. 

Аймгийнхаа баяр наадмын Өсвөрийн бөхийн барилдаанд  хурд хүч, авхаалж самбаагаа сорин өрсөлдөж амжилт гаргасан бөхчүүдийн шагналыг ИТХ-ын дарга Г.Пүрэвганди, Засаг дарга Б.Дүгэржав, Засаг даргын орлогч Т.Жаргалсайхан, ИТХ-ын нарийн бичгийн дарга Б.Сандагсүрэн гардуулан өгч баяр хүргэв.