Аймгийн иргэдийн Төлөөлөгчдийн Хурлын Тэргүүлэгчдийн 12 дугаар хурал хуралдаж 7 асуудал хэлэлцэн шийдвэрлэлээ. Үүнд "Говийн дэмжлэг" хөтөлбөрийн тогтоолын үндэслэл хэсэг болон хөтөлбөрт хамрагдах төсөвт байгууллагуудын жагсаалтад нэмэлт өөрчлөлт оруулах тухай, Таримал ойн сангийн талбайг гэрээгээр эзэмшүүлэх тухай, Тавантолгой-Зүүнбаян чиглэлийн төмөр замын бүтээн байгуулалтын ажилд шаардагдах түгээмэл тархацтай ашигт малтмал ашигласны төлбөрийг хөнгөлөх эсэх тухай, Аймгийн Цагдаагийн газрын 80 жил, Энержи ресурс ХХК-ийн үүсгэн байгуулагдсаны 11 жилийн ойн хурдан морины уралдааныг аймгийн статустай болгох тухай, Төрийн шагналд тодорхойлох, аймгийн ИТХ-ын шагналаар шагнах тухай, орон нутгийн өмчийн тухай, Говь шанх 6 наадмын ажлын хэсэг байгуулах тухай зэрэг асуудлуудыг хэлэлцэн баталлаа.