Азийн хөгжлийн Банкны хот байгуулалтын мэргэжилтэн, төслийн захирал Стефан Мильо, Азийн хөгжлийн банкны зөвлөх н.Алтанбадралт нараар ахлуулсан ажлын хэсэг  03 дугаар сарын 03-06-ны өдрүүдэд Ховд аймагт ажиллаж байна.

Тус төслийн төлөөллийг аймгийн ИТХ-ын дарга Г.Пүрэвганди нарын орон нутгийн удирдлагууд хүлээн авч уулзан хэрхэн хамтран ажиллах талаар санал солилцлоо.

Азийн хөгжлийн банкнаас аймаг, сумын төвийн бүсчилсэн хөгжлийн хөрөнгө оруулалтын хөтөлбөрийн хүрээнд аймаг, сумын төвийг хөгжүүлэх төслийг Ховд, Увс, Баян-Өлгий, Дорнод аймгуудад хэрэгжүүлэхээр болжээ.

Ховд аймаг Азийн хөгжлийн банктай ажлын байр нэмэгдүүлэх, нэмүү өртөг шингэсэн бүтээгдэхүүн үйлдвэрлэл, үйлдвэр үйлчилгээг нэмэгдүүлэх, байгаль орчин, агаар орчны бохирдлыг бууруулах, хөдөө аж ахуйн агропарк байгуулах, усалгаатай газар тариалан хөгжүүлэх зэрэг салбарт хамтран ажиллахаар санал солилцов.