Тояа хүүхэд хөгжлийн академийн Ховд аймаг дахь соробан сампины сургалтын төв нь Ховд аймагт 5 дахь жилдээ үйл ажиллагаагаа явуулж байна. 2019 оны 05 дугаар сарын 09-нд Улаанбаатар хотод зохион байгуулагдсан Үндэсний аварга шалгаруулах тэмцээнд Ховд аймгаа төлөөлөн 7 хүүхэд оролцсоноос А.Мөнхжаргал, Б.Бадмаараг, С.Төгсжаргал, М.Номин-Эрдэнэ нар амжилттай оролцож 2 алт, 2 хүрэл медалиудыг хүртэж, 11 сард Камбож улсад зохион байгуулагдах Олон улсын тэмцээнд оролцох эрхээ авлаа.

Тус сургалтын төвийн сурагчдыг аймгийн ИТХ-ын Нарийн бичгийн дарга Б.Сандагсүрэн энэ сарын 20-ны өдөр хүлээн авч уулзан, гарын бэлэг гардуулан өгч амжилт хүслээ.

Соробан сампины сургалтын төв нь 06 дугаар сарын 01-нээс 07 дугаар сарын 05-ныг хүртэл түргэвчилсэн хугацааны сургалтандаа элсэлт авч эхэллээ.