Аймгийн Шагайн харвааны холбооноос аймгийн гоц мэргэн Батмөнхийн Энхбатын цолны мялаалга, 2019 оны насанд хүрэгчдийн аймгийн аварга шалгаруулах тэмцээн энэ сарын 24-ний өдөр зохион байгуулагдлаа. Үндэсний шагайн харваа багийн болон цуваа харваа гэсэн 2 төрлөөр зохион байгуулагдаж, 7 багийн 60 гаруй тамирчид авхаалж, самбаагаа сорин өрсөлдлөө.

Багийн харвааны төрөлд:

Тэргүүн байр: Аймгийн гоц мэргэн Б.Нармандах ахлагчтай “Хос алтай” баг

Дэд байр: Аймгийн гоц мэргэн М.Энхжаргал ахлагчтай Ховд дулааны станцын баг

Гутгаар байр: Ч.Сандагсүрэн ахлагчтай Шүүхийн шийдвэр гүйцэтгэх газрын баг тамирчид эзэллээ.

Цуваа харвааны төрөлд:

Тэргүүн байр: Аймгийн гоц мэргэн Г.Өнөрбаясгалан /123-р ангийн тамирчин/

Дэд байр: Аймгийн гоц мэргэн Ш.Мөнхбаяр /Эрдэнэбүрэн сумын “Бошготын мэргэд”

багийн тамирчин/

Гутгаар байр: Аймгийн мэргэн Б.Мөнгөншагай / Дулааны станцын газрын тамирчин/

Тусгай байр: Дулааны станцын газрын тамирчин аймгийн гоц мэргэн н.Энхжаргал, Баян-Өлгий аймгийн Онцгой байдлын газрын тамирчин аймгийн гоц мэргэн Б.Анхбаяр нар шалгарсан юм.

Энэ үеэр Монгол улсын анхны “Үлэмжит дархан мэргэн” М.Цэвээн-Очирын нэрэмжит шагнал болох “Өсөх ирээдүйтэй залуу харваач”-аар залуу харваач Г.Тэмүүлэн шалгарлаа.